Fullt af myndum á Flickr

Fullt af myndum af stubbinum og öðrum fjölskyldumeðlimum á Flickr.

http://flickr.com/photos/7372137@N05/

 Njótið vel :)

Halló heimur! - Jökull Logi heilsar!

Loksins mætti Jökull Logi á svæðið, 14.maí.2008, kl.15:46.  4400gr og 53 cm. Fæðingin gékk frábærlega og afraksturinn sést hér

 

 Komum heim strax í gærkvöldi og gætum ekki verið hamingjusamari 7 manna fjölskylda. Þvílíkt ríkidæmi!!!

 

Hvar myndirðu vilja búa ef EKKI á Íslandi?

Í hvaða landi og hvaða borg myndirðu helst vilja búa ef Ísland kæmi ekki til greina? Ég nenni ekki að fá fullt af svörum um hvað Ísland sé frábært og að þið mynduð hvergi annars staðar vilja vera. Ég er að spyrja um stað sem þið mynduð velja ef þið YRÐUÐ að fara!!!

Toronto kæmi sterkt inn hjá mér, sérstaklega ef ég væri enn með börn á skólaaldri. Gæti og væri til í að búa ca. hvar sem er ef ég væri ekki með börn með mér. Væri líka til í að prufa ca. allt tímabundið þó ég væri með börn með mér. En þið?

Listar út um allt

Einn listi á eyjunni, þúsund í tölvunni, milljón í hausnum um það sem þarf að gera í tengslum við eina fermingu.

Annars er þetta nú afskaplega afslappaður fermingarundirbúningur á þessu heimili. Ætli stressið sé ekki oft meira þegar stelpur eru að fermast, enda þær kannski áhugasamari um framvindu mála og kröfuharðari varðandi ýmsa þætti er snúa að fermingardeginum sjálfum.

Hér býr ósköp nægusamur og þakklátur drengur sem er lítið fyrir haft. Ekki ætla ég að kvarta yfir því.

 Held að þetta sé nú allt að smella saman. Jakkafötin á drengin komin, maturinn "under control", búið að panta tertuna, skreytingarnar komnar, búin að panta sálmabókina, servíetturnar og klippinguna, boðskortin á leið í póst í dag og búið að plana skó og skyrtukaup um helgina.

Þá vantar ekki mikið annað en skínandi hreint hús og fullt af skemmtilegum gestum ;)

Smá update

Jæja, verið að rukka mig um fréttir af bumbubúanum. Bumbubúinn inn lítill íþróttaálfur sem virðist stundum ætla að sprikla sér leið út úr bumbunni. Er samt voða stilltur og góður við mömmu sína og lætur hana hafa afskaplega takmarkað fyrir sér. S.s. allt í allt frábær meðganga! 7,9,13!!!

Annars er fermingarundirbúningur að fara á fullt. Ekki nema rúmur mánuður í stóra daginn. Ótrúlegt hvað tíminn líður hratt. Helgin fer væntanlega í að skoða fermingarföt, skreytingar o.s.f.v. en annars erum við nú ósköp afslöppuð í þessu öllu saman.

Ég er byrjuð að kenna markaðsfræði í Verzló og líkar rosalega vel. Þetta er bara þrælskemmtilegt, enda bæði spennandi námsefni og skemmtilegir krakkar  Treysti á að bumbubúinn haldi sér inni fram á settan dag (10 maí) og ég nái að koma nemendunum mínum í gegnum próf (og nái að fara yfir þau) áður en stubburinn mætir á svæðið.

Hafið það öll sem best í vonda veðrinu.

Knús

Inga Rós

Stórfurðulegt mál

"...að kvöldi 16.desember, daginn áður en Fischer lést"????

Skv. fyrstu fréttum um lát hans, þá lést hann í janúar. En það var auðvitað allt voðalega laumulegt við andlát hans og jarðaför. Er Fischer kannski bara á lífi?

Lögmaður ráðinn fyrir dóttur Fischers

Gleðilegt ár

Óska ykkur gleðilegs nýs árs með þökk fyrir samfylgdina á árinu sem er að líða. :)

Púki með typpi

Lítill púki með typpi í bumbunni!

Gleðileg jól

Óska ykkur öllum gleðilegra jóla og farsældar á komandi ári. Þakka samfylgdina á líðandi ári.

Útilega um jólin?

Kannski maður ætti bara að skella sér í útilegu um jólin? Í augnablikinu er alla veganna mun hlýrra en var í síðustu taldútilegunni okkar (s.s áður en við keyptum fellihýsið) en þá fór hitinn niður í 4 gráður. Er virkilega til fólk sem efast um "Global Warming"???