Heimurinn minn

CommunityWalk Map - It´s a small world afterall

Til hamingju!

Til hamingju með kosningarnar. Að vera enn að bæta við sig fylgi eftir 16 ára setu í ríkisstjórn er auðvitað bara magnað. En samt mjög lógískt miðað við frammistöðu. Gott að fólk hafi áttað sig á því.

 Var í kosningapartýi með einni sem sagðist vilja breytingu. Gat samt ekki sagt hvaða breytingu, eða hvernig henni skyldi vera háttað. DON´T FIX IT IF IT AIN´T BROKEN!!!!

Heimurinn gengur ekkert upp með vinstri stjórn

Ég var að gera merkilega uppgötvun. Sólin snýst til hægri, klukkan gengur til hægri, við áttuðum okkur á fáránleika vinstri umferðar og breyttum henni í hægriumferð, það er hægri réttur, við lesum í átt til hægri og ef maður er RÉTThentur skrifar maður með hægri. Annars er maður auðvitað bara fatlaður.

Hvernig dettur fólki í hug að vinstri stjórn gangi upp?

Til hamingju með daginn!

Til hamingju með daginn kæru Íslendingar!

 Mér þykja kosningadagar alltaf (o.k. svo til alltaf) miklir hátíðardagar. Það eru svo sannarlega ekki allir i heiminum sem fá og hafa möguleika á að kjósa og því vona ég að allir Íslendingar nýti sér þann rétt sem þeir hafa. Og því finnst mér maður í raun ekki bara hafa þennan rétt heldur líka vissa skyldu til að kjósa.

Ég ætla að þakka fyrir góðærið með því að kjósa það áfram. Vona að þið hin kjósið eftir bestu sannfæringu.

Kosningakveðja

Inga Rós

USA

Jæja, heldur betur komin tími á nýja færslu. Hef svo sem ekkert betra við tímann að gera á meðan ég ligg í sófanum með streptakokka. Óþolandi.

Bandaríkjaferðin okkar eru öll að smella saman enda ekki nema rúmlega 2 vikur þangað til við förum. Búin að panta hótel fyrir fyrstu 4 næturnar í New York, líka búin að fá hótel í 2 nætur í Washington, vantar ennþá hótel fyrir 2 nætur á leiðinni frá Washington til Orlandó en er búin að panta hús í 2 vikur í Orlando. Búið að panta bílaleigubílinn, sem var nú ekki auðvelt að fá (one-way) og meira að segja miðarnir í Disney eru komnir heim í hús. Gaman, gaman :o)

Ef einhver man eftir skemmtilegum stöðum til að stoppa á á leiðinni frá Washington til Flórída þá má viðkomandi endilega láta mig vita.

 

Tónleikar sem engin má missa af!

TÍBRÁ: SUÐRÆNIR TÓNAR OG KABARETTSTEMNING

SESSELJA KRISTJÁNSDÓTTIR OG GUÐRÍÐUR ST. SIGURÐARDÓTTIR

Þriðjudagskvöldið 17. apríl kl. 20 halda Sesselja Kristjánsdóttir, mezzósópran og Guðríður St. Sigurðardóttir píanóleikari tónleika í TÍBRÁ, tónleikaröð Kópavogs í Salnum. Á efnisskrá tónleikanna eru spænsk og frönsk sönglög eftir de Falla og Bizet auk kabarettsöngva eftir Kurt Weill, Bolcom, Hollaender og Spoliansky. Suðrænir tónar einkenna fyrrihluta tónleikanna í sönglögum sem eru í senn tilfinningaþrungin, létt og melankólísk. Seinni hluti efnisskrárinnar inniheldur söngva þar sem skemmtanagildi skoplegra texta og tónlistar ráða ríkjum, þó vissulega sé oft stutt í kaldhæðni og svartan húmor.

Sesselja hélt debut tónleika sína í TÍBRÁ í Salnum í apríl 2002 en síðan þá hafa fjölmargir kynnst henni í hlutverkum í Íslensku óperunni og annarsstaðar. Þær Sesselja og Guðríður hafa unnið saman um nokkurt skeið en koma nú í fyrsta skipti saman fram á TÍBRÁR tónleikum.

Eins og fram hefur komið er þetta í annað sinn sem Sesselja heldur einsöngstónleika í TÍBRÁ, en um fyrri tónleikana, sem fluttir voru 24. apríl 2002 ritar Bergþóra Jónsdóttir í mjög

lofsamlegri umfjöllun í Morgunblaðinu:

„Söngur Sesselju á tónleikunum í Salnum gefur sannarlega fyrirheit um að hér sé á ferðinni efni í afbragðsgóða söngkonu. Það sem fyrst vekur eftirtekt er einstaklega falleg rödd söngkonunnar; flauelsmjúkur raddblær og mikið músíkalitet”.

Bergþóra lýkur síðan umfjöllun sinni um tónleikana á þessum orðum:

„Sesselja söng aukalag, án undirleiks... Flutningur Sesselju á þessu yndislega lagi var hreint út sagt stórkostlegur og gleymist sjálfsagt seint. Með slíka hæfileika á þessi unga söngkona fullt erindi á íslenskt óperusvið, en ekki síður á tónleikasvið, þar sem hún gæti vafalítið haslað sér völl sem afbragðs ljóðasöngkona.

Miðaverð 2000/1600 kr.

Sími í miðasölu er 5 700 400. NETSALA www.salurinn.is

Miðasala Salarins er opin virka daga kl. 10.00 - 16.00 og klst. fyrir tónleika.

Gleðilega páska!

Gleðilega páska öll sömul! Vona að þið eigið jafn notalegan dag og ég, í faðmi fjölskyldu og vina.

Flottir tónleikar

Mæli með tónleikum Söngsveitarinnar Fílharmóníu á morgun kl. 8 í Langholtskirkju. Flutt verða verk eftir Schubert, Brahms og Mendelsohn ásamt stórri hljómsveit og frábærum einsöngvurum (Huldu Björk Garðarsdóttur, Nönnu Maríu Cortes, Alex Ashworth og Jónas Guðmundsson).

Fyrri tónleikarnir voru í gær og heppnuðust mjög vel og voru tónleikagestir mjög hrifnir.

Miðar fást á afslætti hjá mér, annars á www.midi.is eða við innganginn.

Sjáumst á morgun :o)

88 atkvæði

Tillagan að deiliskipulagi felld með 88 atkvæða mun! Svo segir bæjarstjórinn að vilji bæjarbúa verði virtur. Vilji HELMINGS bæjarbúa s.s!!!

Áminning!

Minni alla Hafnfirðinga á að nýta sér kosningaréttinn í dag!!!

Hvort sem fólk kaus íbúalýðræðið og núverandi bæjarstjórn eða ekki, þá er mikilvægt að nýta sér réttinn sinn og kjósa í þessum kosningum þar sem mjótt er á munum.